قواعد التربية الإيجابية الناجحة 2

واستكمالا لما بدأناه في مقالنا السابق عن القواعد العامة للتربية الناجحة ومنها:

1. كل طفل له شخصيته و سماته النفسية وجيناته الوراثية المختلفة عن غيره ، مبدأ عدم المقارنة تحت شعار ( مهو نفس الأب والأم والبيت ! ليه هو كده و اخواته كده !!) أكبر غلط المقارنة بين الإخوة.
2. متطلبوش من أولادكوا يحكوا تفاصيل زيارة بيت فلان أو علان ، سلوك غير سوي .
3. عدم اهانة الأولاد تحت أي بند (العقاب مش اهانة ولكنه اسلوب تربية ).
4. عدم إحراج أولادك أمام أي حد أيا كان هو صفته ، عند العودة تفاوضوا بالأمر.
5. الاحتفاظ بالخصوصية عدم نوم الأولاد بنفس غرفة الأباء.
6. البعد عن الكوارث التليفيزيونية من الفضائيات المؤثرة على الأطفال من الناحية اللغوية والمهارية.
7. تنظيم لعب أولادك مع بعضهم البعض ، بقواعد عامة خاصة بالسلوك والتوقيت ، زي مثلا كل واحد منهم له وقت معين للعبة كذا ، أوممنوع صوت عالي أو خبط و ترزيع أثناء اللعب ، القواعد و التنظيم بيوفر مجهود كبير جدا و بيقلل الأخطاء .
8. اعرفي إن طفلك كائن حي مش كمبيوتر، مفيش داعي للهلع اللي بيصيب بعض الأمهات في حال اكتشافهم لأخطاء معينة من أطفالهم ، التعامل بثبات انفعالي.
9. النقد المستمر بيخلق شخصية مهزوزة وخايفة طول الوقت ، النقد المستمر بيقتل الإبداع.
10. التوعية ضد التحرش الجنسي ضرورة ملحة .
11. اهتموا بمتابعة اختيارات أطفالكم على التلفزيون و الموبايل ، اعرفوا هم بيتفرجوا على إيه وانقذوا ما يمكن إنقاذه لو في خطأ.
12. اقفلي شاشاتك ، موبايلك ، عيشوا مع اولادكوا.